Piše: Nela Lalić

Još od vremena kada je Mr. Big našoj dragoj Carrie Bradshaw obezbijedio čitavu jednu sobu za garderobu, ne prestajemo da sanjamo o jednoj takvoj i u našem domu.

Walk-in garderoberi iliti oni u koje možete fino ušetati, ako treba i popiti kaficu dok razmišljate šta obući, čak i uvući prijateljice da zajedno birate. San svake žene i ponekog muškarca.

Nego, šta sve treba imati ovakav garderober. Prije svega, naravno treba da bude veliki da bi smjestili ogromnu količinu odjeće. Znači potrebna vam je jedna zasebna soba. Ako ne, onda posebno odvojeni dio stana. Dalje treba imati više vrsta mjesta za odlaganje stvari. Tu moraju biti ladičari, police, vješalice i ne zaboravimo posebna mjesta za odlaganje cipela i torbi. Jedno veliko ogledalo i dobra rasvjeta. Stolica ili fotelja nije loša ideja. Čisto da se malo spustite dok razmišljate o svojim kombinacijama za taj dan. I to bi bilo to. Uglavnom.

Garderoberi su obično od ostatka stana odvojeni kliznim vratima, ona mogu biti providna, od stakla, sa ogledalima. Izbor je na vama.

E sada vam donosimo fotografije garderobera o kojima mi maštamo…

Komentari

comments

Ambyenta namještaj